حقیقی مولوی اور عالم کی تعریف

 *"حقیقی مولوی اور عالم کی تعریف"*

    مولوی احکام داں کو کو کہتے ہیں، عربی داں کو نہیں کہتے ، عربی داں تو ابوجہل بھی تھا لیکن لقب تھا ابوجہل نہ کہ عالم

 (کلام الحسن :۵۵) 

    مولوی سے مراد عالم باعمل ہے ، اس کا نام چاہے آپ درویش رکھ لیجیئے ۔ 

جو ایسا نہیں ہمارے نزدیک وہ مولویوں میں داخل ہی نہیں ، ہم صرف عربی جاننے والے کو مولوی نہیں کہتے ۔ 

مصر ، بیروت میں عیسائی ، یہودی بھی عربی داں ہیں تو کیا ان کو ہم مقتداءِ دین کہنے لگیں؟ (تجدیدِ تعلیم وتبلیغ : ۳۴) 

     مولوی وہ ہے جو مولا والا ہو ، یعنی علمِ دین بھی رکھتاہو اور متقی بھی ہو! 

خوفِ خدا وغیرہ اخلاقِ حمیدہ بھی رکھتاہو ، صرف عربی جاننے سے آدمی مولوی نہیں ہوتا چاہے وہ کیساہی ادیب ہو ، عربی میں تقریر بھی کرلیتاہو تحریر بھی لکھ لیتاہو ، کیونکہ عربی داں تو ابوجہل بھی تھا ، بلکہ وہ آج کل کے ادیبوں سے زیادہ عربی داں تھا  ، تو اس کو بڑا محقق عالم ہوناچاہیئے حالانکہ اس کا نام ہی ابوجہل تھا ، معلوم ہوا کہ صرف عربی داں کا نام مولویت نہیں (التبلیغ : ۱/۱۳۳) 

(بحوالہ "العلم والعلماء" از حکیم الامت رحمہ اللہ تعالی: ۶۱،۶۲)

    دورانِ مطالعہ قیمتی ملفوظ نظر سے گذرا تو سوچا آپ حضرات کی خدمت میں پیش کردوں!

محمد جمیل اشاعتی اورنگ آباد